Aicí nasquèt Francesc Català i Serra, volontari d’Estat Catalan als Faches de Prats de Molló (1936), mòrt en exili en Belgica.
Aicí nasquèt Francesc Català i Serra, volontari d’Estat Catalan als Faches de Prats de Molló (1936), mòrt en exili en Belgica.
En remembre e omenatge
Ripoll, 1901 – Brussèlas, 1927
Francesc Català i Serra aderiguèt en 1922 a Estat Catalan, un partit politic —ara centenari— que se definissiá coma independentista, republican, progressista e insurreccional, fondat aquel meteis an per Francesc Macià. Es lo mai ancian de Catalonha en activitat.
En setembre de 1926, s’engatjava coma volontari dins l’Armada Catalana organizada per Estat Catalan, dins una operacion coneguda coma los Faches de Prats de Molló: consistissiá en un soslevament armat que deviá intrar en Catalonha dempuei Catalonha Nòrd, per doas vias que confluirián a Olot, e que deviá proclamar la Republica Catalana. Un còp tot ben capitat, se deviá comptar amb la complicitat d’autras comarcas e aglomeracions del país e se deviá promòure una cauma generala dins de vilas catalanas. Aquel ripollés foguèt una de las cent dotze personas que signèron lo jurament d’engatjament per complir l’accion.
Lo 4 de novembre, la polícia francesa ordenèt l’arrestacion dels volontaris dins la Bastida Denise de Prats de Molló. Català venguèt un dels primièrs arrestats transferits a Perpinhan. Los jutgèron e lo 29 de novembre se trobèron liberats, amb un òrdre d’expulsion del territòri francés. Foguèt un dels milicians aculhits en Belgica, mas pendent la prima de 1927 intrèt dins un espital de Brussèlas, ont moriguèt lo 28 de junh.
Foguèt sebelit al cementèri d’Anderlecht e l’enterrament se transformèt en acte politic amb un passacarrièra per lo centre de Brussèlas. Francesc Macià (futur president de la Generalitat de Catalonha) anava en tèsta del cortegi funèbre.